Bakıda avtomobil dərəyə aşıb.

ONA -nın məlumatına görə, hadisə Bakı Dairəvi Yolunun Yasamal rayonu ərazisindən keçən hissəsində qeydə alınıb. "Mercedes" markalı minik avtomobili yoldan çıxaraq dərəyə yuvarlanıb.

Səhiyyə Nazirliyinin mətbuat xidmətindən bildirilib ki, qəza nəticəsində iki nəfər hadisə yerində ölüb.

Faktla bağlı bəzi məqamlar məlum olub.

ONA -nın məlumatına görə, Bakı Dairəvi Yolunun Yasamal rayonu ərazisindən keçən hissəsində "Ravon Nexia" markalı avtomobilin dərəyə yuvarlanması nəticəsində ölən şəxslərin adları məlum olub.

Araşdırmalarla müəyyən edilib ki, avtomobilin sürücüsü Vasif Abdullayev iyunun 1-də sevdiyi qızı (Aygün, soyadı hələ məlum deyil) öz avtomobilində bıçaqlayıb.

Daha sonra Bakı Dairəvi Yolunun Yasamal rayonu ərazisindən keçən hissəsində maşını dərəyə yuvarlayaraq intihar edib. Hər iki şəxsin meyiti bu gün ərazidə aşkar edilərək çıxarılıb.

Hadisə ilə bağlı araşdırmalar davam etdirilir


Paylaş: