Türkiyənin paytaxtı Ankara şəhərinə uzun müddətdən sonra güclü yağış yağıb, şəhəri sel basıb.

“İhlas Haber Ajansı” (İHA) məlumat verir ki, güclü sel suları Ankara-Eskişehir avtomobil yolunda hərəkəti iflic edib.
 Yolların su basması səbəbindən nəqliyyat vasitələrinin sürücüləri uzun müddət avtomobillərini tərk edə bilməyiblər.

Qeyd olunur ki, hazırda Ankara Böyükşəhər Bələdiyyəsi təbii fəlakətin yaratdığı fəsadları aradan qaldırmağa çalışır.


Paylaş: