Ötən gün sosial şəbəkələrdə marketlərin birində azyaşlı qızın anasının rəfiqəsi tərəfindən döyülməsini əks etdirən görüntülər yayılıb.

Faktla bağlı Azərbaycan Uşaqlar Birliyinin sədri Kəmalə Ağazadə bir sıra məlumatlar əldə edib. Təşkilat sədri marketdə döyülən Mədinə adlı qızın anasının xaricdə yaşayan qohumları ilə əlaqə saxlayıb. Onların iddia edib ki, qızın anası sevgilisinin təsirilə narkotik aludəçisinə çevrilib.

Kəmalə Ağazadə bildirib ki, Mədinənin anası ilə bağlı məlumatlar və işgəncəni əks etdirən görüntülər Baş Prokurorluq və Daxili İşlər Nazirliyinə göndəriləcək. Onun sözlərinə görə, faktlar təsdiqini tapdıqda azyaşlı ilə bağlı obyektiv qərar çıxarılacaq və anasının müalicə və reabilitasiyası ilə bağlı işlər aparılacaq.



Paylaş: