Bakıda tanınmış avtoş "Cabir 012” öldürməkdə təqsirləndirilən Ehtiram Şərifovun məhkəməsi davam edib.

regionxeberlericom.az-un Bakupost.az-a istinadən məlumatına görə, Bakı Ağır Cinayətlər Məhkəməsində hakimi Mayıl Bayramovun sədrliyi ilə keçirilən prosesdə prokuror E. Şərifova 18 il cəza istəyib.

Proses iyunun 20-də davam edəcək.

Qeyd edək ki, hadisə Xəzər rayonu, Şüvəlan qəsəbəsində baş verib.

Ötən il noyabrın 17-də, günorta saatlarında Ehtiram Şərifov qəsəbə sakini Cabir Babayevi güllələyərək öldürüb. O, polisə gələrək könüllü təslim olub.

Qətlə yetirilən Cabir Babayev Bakının məşhur "avtoş"larından olub, "Cabir-012" adı ilə tanınıb. Onun ölümü isə təsadüf nəticəsində baş verib.

Belə ki, Cabirin dostu olan bir nəfər Ehtiramın qardaşı Vüqarın üzünə xəsarət yetirib. O da həmin şəxsi güllələmək istəyib və bu zaman atəş təsadüfən Cabirə tuş gəlib.

İstintaq orqanı tərəfindən Ehtiram Şərifovun barəsində Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham elan edilib.

Onu da qeyd edək ki, Cabir Babayev sosial şəbəkələrdə və "Youtube”da "avtoş” kimi tanınıb. Onun sosial şəbəkələrdə "avtoş”luq etməsi ilə bağlı video çarxları olub.


Paylaş: