Dünən Bakıda “Porsche” markalı minik avtomobilini idarə edən şəxs piyadanı vuraraq öldürüb.

Oxu.Az-ın məlumatına görə, hadisə saat 15:00 radələrində Xətai rayonunun 8 Noyabr prospektində baş verib.

Belə ki, 1974-cü il təvəllüdlü Soltanov Teymur Ziyad oğlu idarə etdiyi “Porsche” markalı, 99-DR-555 dövlət nömrə nişanlı avtomobillə yolu keçən piyada 1953-cü il təvəllüdlü Xanbutayeva Kimsəxanım Xanbala qızını vurub. Sonuncu hadisə yerində ölüb. Ötən gün piyadanın ölümü ilə nəticələnən daha bir yol-nəqliyyat hadisəsi baş verib. 

Belə ki, 18:30 radələrində Nizami rayonu, metronun “Koroğlu” stansiyası yaxınlığında Zülfüqarov Azər Məhəmməd oğlu idarə etdiyi “Xəzər” markalı, 99-PV-624 dövlət nömrə nişanlı avtomobillə yolu keçən piyada 1962-ci il il təvəllüdlü Əliyev Hikmət Cəlal oğlunu vurub.

Bildirilir ki, hər iki hadisə sürücü məsuliyyətsizliyi, sürət həddinin aşılması və piyada diqqətsizliyi nəticəsində baş verib. 

Baş verən faktlarla bağlı araşdırma aparılır.