Qaxda başqasının “Topaz” hesabından oğurluq edən şəxs saxlanılıb.

Daxili İşlər Nazirliyinin mətbuat xidmətinin Şəki regional qrupundan verilən məlumata görə, Qax rayon Polis Şöbəsinə müraciət edən vətəndaş onun “etopaz.az” hesabında olan 2850 manat pulun naməlum şəxs tərəfindən istifadə edildiyi barədə məlumat verib.

Daxil olmuş müraciət əsasında keçirilən əməliyyat zamanı həmin şəxsin Qax şəhər sakini Fərhad Omarov olduğu müəyyən edilib və o, saxlanılıb. F.Omarov ifadəsində əməlini etiraf edib.

Faktla bağlı araşdırma aparılır.