Futbol üzrə Azərbaycan milli komandasının keçmiş futbolçusu Mahir Şükürovun ögey qardaşı Ümüd Şükürovun dələduzluq etdiyi iddia olunur.

Bu barədə Lent.az saytı məlumat yayıb. Belə ki, Şükürov Ümüd Malik oğlunun dələduzluq əməllərinə görə həbs olunduğu bildirilir.

Məsələ ilə bağlı “Qafqazinfo” Mahir Şükürovla əlaqə saxlayıb. Sabiq futbolçu onun belə bir qardaşı olmadığını deyib: “Mənim o adda qardaşım yoxdur, məlumat doğru deyil”.

Qeyd edək ki, Mahir Şükürovun atasının adı Ağateyyub Şükürovdur.