Cəlilabadda kənd sakininin tüfəngi təmizləməsi xəsarətlə nəticələnib.

Daxili İşlər Nazirliyindən verilən xəbərə görə, hadisə dekabrın 14-də rayonun Günəşli kəndində qeydə alınıb. Kənd sakini C.Allahverənov evinin həyətində ov tüfəngini təmizləyərkən ehtiyatsız davrandığından açılmış atəş nəticəsində qonşusu F.Məmmədovun ayaq nahiyəsinə xəsarət yetirib. Bu barədə rayon Polis Şöbəsinə məlumat daxil olub.

Polis əməkdaşları tərəfindən dərhal müvafiq tədbirlər həyata keçirilmiş və hadisə yerindən 1 ədəd qanunsuz saxlanılan “İJ-58” markalı ov tüfəngi götürülüb.

F.Məmmədova xəstəxanada ilkin tibbi yardım göstərilib.

Faktla bağlı araşdırma aparılır.