Ağcabədi rayonunda azyaşlıya təcavüz etməkdə təqsirli bilinən 2003-cü il təvəllüdlü Bəhruz Məmmədovun (cinayət işində adı keçən şəxslərin ad və soyadları şərti verilib – red.) cinayət işi üzrə məhkəmə prosesi başa çatıb.

regionxeberlericom.az-un Publika.az-a istinadən xəbərinə görə, Bəhruz Məmmədov həmkəndlisi, azyaşlı Sahib Məlikov ilə qabaqcadan əlbir olan bir qrup şəxs halında 13 avqust 2018-ci il tarixdə, saat 18 radələrində həmkəndlisi, 2009-cu il təvəllüdlü Səməd Babayevə qarşı seksual xarakterli zorakılıq hərəkətləri ediblər.

Pambıq tarlasında seksual zorakılıq

Bəhruz Məmmədov azyaşlı həmkəndlisi Sahib Məlikov ilə birlikdə Səməd Babayevi yaşadıqları Ağcabədi rayonun Şahsevən-Təzəkənd kəndinin kənarında yerləşən pambıq tarlasına aparıblar.

Orada Səməd Babayevin köməksiz vəziyyətindən istifadə ediblər, həmin vaxt Bəhruz Məmmədov zorla onu üzü üstə yerə yıxıb.

İlk əvvəl Sahib Məlikov, daha sonra isə Bəhruz Məmmədov Səməd Babayevə qarşı seksual xarakterli zorakılıq hərəkətləri ediblər.

İkinci dəfə zorakılıqla üzləşdi, özünü atdı

Bundan sonra Bəhruz Məmmədov cinayətkar əməlini davam etdirib və təkrar Səməd Babayevə qarşı fiziki güc tətbiq edib. O, seksual xarakterli zorakılıq hərəkətləri etmək məqsədilə Sahib Məlikov ilə avqustun 15-də Səməd Babayevi sürdüyü velosipedin arxa oturacağına əyləşdirib, yenidən kəndin kənarında yerləşən pambıq tarlasına gətiriblər. Orada Səməd Babayev ona qarşı seksual hərəkətlərin ediləcəyini bilib, özünü velosipeddən yerə atıb.

Qeyri-təbii yolla cinsi əlaqə və həbs

Belə olan halda Səməd Babayev xəsarət alıb. Xəsarət almasına baxmayaraq, Səməd Babayev qaçmaq istəyib.

Lakin Bəhruz Məmmədov Səməd Babayevin arxasınca qaçıb və onu tutaraq saxlayıb. Bəhruz Məmmədov Sahib Məlikov ilə birlikdə Səməd Babayevi sürüyərək pambıq tarlasına gətirib.

Orada Səməd Babayevə zorakılıq göstərərək, onu zorla soyundurublar. Sonra Bəhruz Məmmədov qeyri-təbii yolla onunla intim əlaqədə olub.

İstintaq orqanı tərəfindən Bəhruz Məmmədovun barəsində Cinayət Məcəlləsinin 150.3.3-cü (təqsirkar şəxs üçün aşkar surətdə on dörd yaşına çatmayan şəxs barəsində seksual xarakterli zorakılıq hərəkətləri törətmək) maddəsi ilə ittiham elan edilib.

Cinayət işi üzrə təqsirləndirilən şəxs qismində ifadə verən Bəhruz Məmmədov bildirib ki, hadisə baş verdiyi iddia olunan vaxt yaşadıqları kəndin orta məktəbinin 9-cu sinfinin şagirdi olub.

“Pambıqlıqda cinsi əlaqədə olmaq barədə danışdıq”

Bəhruz Məmmədovun sözlərinə görə, Səməd Babayevi tanıyıb, həmkəndlisidir, aralarında qohumluğu və ədavəti olmayıb: “Səmədin on yaşı olduğunu bilmişəm. Səmədi də tanımışam, qonşumdur. Biz çox vaxt birlikdə velosiped sürmüşük”.

Təqsirləndirilən şəxs qeyd edib ki, avqustun 13-də, saat 18 radələrində Sahiblə birlikdə hərəsi öz velosipedi ilə kəndin kənarında yaşayan Səmədgilin evlərinin yanına gedibıər: “Orada Səmədin qonşuları Camal ilə oynadığını gördük. Səmədgil onları velosipedə mindirib gəzdirməyimizi xahiş etdilər. Həmin vaxt Səmədlə uşaqları pambıqlığa aparıb, orada cinsi əlaqədə olmaq barədə danışdıq”.

“Cinsi əlaqədə olmaq barədə razılaşdıq”

Bəhruz Məmmədov qeyd edib ki, Camalın oğlunun ona nəisə etsələr, gedib evlərində deyə biləcəyinə görə Səmədlə cinsi əlaqədə olmaq barədə razılaşdıq: “Səməd mənim velosipedimin, Camalın oğlu isə Sahibin velosipedinin arxa oturacağına mindilər. Biz velosipedi sürüb kənddən çıxdıq və Minəxorlu kəndi istiqamətində getdik. Bir az getdikdən sonra Camalın oğlu Sahibin velosipedindən düşdü və oradan evlərinə getdi. Səməd isə mənim velosipedimdə arxada əyləşmişdi”.

“Səmədə qarşı seksual hərəkətlər etmədik”

Təqsirləndirilən şəxsin ifadəsinə görə, onlar bir az getdikdən sonra pambıq sahəsinə çatanda Səməd atasının onu gözlədiyini, evə getməli olduğunu, onu evə qaytarmalarını deyib: “Biz Səmədi gətirərək evlərinin yanına düşürdük və oradan getdik. Səmədi düşürəndən sonra tələsik ordan getdik ki, onun atası bizi görməsin. Həmin vaxt Səmədə qarşı seksual hərəkətlər etmədik”.

“Qollarından tutub pambıq sahəsinə apardıq”

Bəhruz Məmmədov deyib ki, avqustun 15-də, saat 18 radələrində Sahiblə yenə də velosipedlə Səmədgilə tərəf gediblər: “Yolda gedərkən Səmədi pambıq sahəsinə aparıb, orada cinsi əlaqədə olmaq barədə danışdıq, razılaşdıq. Birlikdə Səmədin evlərinin yanına getdik. Səmədin evlərinin yanında qonşuları Camalın oğlu ilə oynadığını gördük. Hər ikimiz Səmədə onu velosipedlə gəzdirməyi təklif etdik. Camalın uşaqları da velosipedə minmək istədilər. Lakin Sahibin velosipedinin arxa oturacağını açdığına görə onlara yer olmadı. Səməd mənim velosipedimin arxa oturacağında əyləşdi və biz Minəxorlu kəndi istiqamətində getdik. Kəndin kənarında yerləşən pambıq sahəsinə çatdıq. Pambıq sahəsinə çatdıqdan sonra Səmədi velosipeddən düşürdük. Hər ikimiz Səmədin qollarından tutub dartaraq təxminən 10-15 metr pambıq sahəsinin yaxınlığına apardıq”.

“Qeyri-təbii yolla cinsi əlaqədə oldum”

Bəhruz Məmmədovun sözlərinə görə, həmin vaxt Səmədin əynində dizdən şortik olub: “Sahib Səmədə şortikini soyunmasını dedi. O da əynində olan şortiki və tursiki dizinə qədər aşağı çəkdi. Sonra Sahib Səmədi üzü üstə yerə uzandırdı. Mən də yanlarında dayanaraq ətrafa baxırdım. Səməd yerə uzandıqdan sonra Sahib də əyinində olan şortiki və tursiki dizə qədər soyundu. Sahib Səmədlə seksual xarakterli hərəkətlər etdi. Onların bu təxminən 2-3 dəqiqə çəkdi. Sonra Sahib ayağa qalxdı. Sonra mən Səmədlə qeyri-təbii yolla cinsi əlaqədə oldum”.

“Biz qaçaraq Qarqar çayına girdik”

Bəhruz Məmmədovun ifadəsinə görə, cinsi əlaqədə olandan sonra Səməd də ayağa qalxıb və paltarlarını geyinib: “Yola çıxanda Səmədin atası Vəlinin bizə tərəf gəldiyini gördük. Dərhal velosipedi oraya tullayaraq qaçdıq. Vəli də bizim arxasımızca qaçmağa başladı. Biz qaçaraq Qarqar çayına girdik. Bu səbəbdən Vəli bizi tuta bilmədi və geri qayıdaraq yolda dayandı. Bir az keçdikdən sonra Sahibin atası Elmar Vəlinin yanına gəldi. Vəli ilə aramızda uzaq məsafə var idi. Elmar gəldikdən sonra əl edərək bizi yanına çağırdı. Biz də onların yanına getdik. Həmin vaxt orada Elmar oğlunu döydü, mən isə evimizə getdim”.

Bəhruz Məmmədovun cinayət işi baxılması üçün Lənkəran Ağır Cinayətlər Məhkəməsinə göndərilib, cinayətdə adı keçən digər şəxs – Sahib Məlikovun işi ayrıca icraata götürülüb.

Hakim Xamməd Nuriyevin sədrlik etdiyi kollegiyada cinayət işi araşdırılıb, sonda hökm elan edilib. Hökmə əsasən, Bəhruz Məmmədov 8 il 6 ay müddətinə azadlıqdan məhrum edilib. Onun cəzasını ümumi rejimli tərbiyə müəssisəsində çəkməsi hökm edilib.

Hökmdən narazı qalan Bəhruz Məmmədovun müdafiəçisi apelyasiya şikayəti verib. O, Bəhruz Məmmədovun əməlini Cinayət Məcəlləsinin 152.1-ci (on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsinə tövsif edilməsini istəyib.

Şikayət araşdırılması üçün Şirvan Apelyasiya Məhkəməsinə göndərilib. Hakim Kamil Bəşirovun sədrliyi ilə baş tutan prosesdə apelyasiya şikayətinin dəlilləri araşdırılıb, sonda qərar açıqlanıb.

Qərara görə, şikayət təmin edilməyib.


Paylaş: