Boks üzrə İran çempionu Məhəmmədcavad Vəfai-Sani barəsində edam hökmü çıxarılıb.

Bu barədə Norveçdə yerləşən İran İnsan Haqları (IHR) qeyri-hökumət təşkilatı məlumat yayıb.

Bildirilir ki, 26 yaşlı Vafai-Sani hökumət binalarının yandırılması və dağıdılmasında təqsirli bilinərək edam cəzasına məhkum edilib.

O, 2020-ci ilin fevralında saxlanılıb və ona qarşı irəli sürülən ittihamlardan biri 2019-cu ilin noyabrında yanacağın qəfil bahalaşması ilə əlaqədar etiraz aksiyalarında iştirak etmək olub.

Qeyd edək ki, sosial media istifadəçiləri “Twitter”də trend olan #SaveMohammadJavad həştəqi ilə hakimiyyəti onun həyatını xilas etməyə çağırıblar.