Biləsuvar Rayon Polis Şöbəsinin (RPŞ) əməkdaşları tərəfindən “Qırmızı kitab”a düşmüş quşları ovlayan şəxslər saxlanılıb.

Daxili İşlər Nazirliyi Mətbuat Xidmətinin Lənkəran regional qrupundan verilən məlumata görə, qanunsuz ovun, rayonun Ağalıkənd kəndi ərazisində qanunsuz ov edən Biləsuvar rayon sakinləri Samir Rəsulov və Davud Kərimov saxlanılıblar.

Onlardan iki ədəd müvafiq sənədləri olmayan “İJ” və “Tula” markalı ov tüfəngləri və qanunsuz olaraq ovladıqları “Qırmızı kitab”a düşmüş turac quşları aşkarlanıb.

Faktla bağlı Biləsuvar RPŞ-də araşdırma aparılır.