Ukraynanın Yujmaş Cənub Maşınqayırma Zavodunun ərazisində Milli Qvardiyanın 2001-ci il təvəllüdlü əsgəri Ryabçuk Artemi xidməti silahından hərbçi yoldaşlarına atəş açıb.

Bu barədə Ukrayna Daxil İşlər Nazirliyi məlumat yayıb.

Bildirilir ki, hadisə Bakı vaxtı ilə 05:40 radələrində baş verib. Əsgər atəş açdıqdan sonra əlində silah hadisə yerindən qaçıb. Nəticədə 5 nəfər həlak olub, daha 5 nəfər yaralanıb.

Hadisənin səbəbləri hələlik bəlli deyil.

Milli Qvardiyanın komandiri, general-polkovnik Nikolay Balan dərhal hadisə yerinə yola düşüb.