Oğuz rayonunda canavarın ağır xəsarət yetirdiyi yeniyetmə Bakı şəhərindəki 1 saylı Kliniki Tibbi Mərkəzə gətirilib.

regionxeberlericom.az-un "Report"a istinadən məlumatına görə, bu, 2004-cü il təvəllüdlü Namiq Söhrab oğlu Bəkirovdur.

Qeyd edəki ki, hadisə iyunun 28-də günorta saatlarında rayonun Xaçmaz kəndində qeydə alınıb. Canavar əvvəlcə mal-qaraya, daha sonra isə qarşısına çıxan kənd sakinlərinə hücum çəkib. Nəticədə 15 yaşlı Namiq Bəkirov, 15 yaşlı Tural Məmmədnəbili, 57 yaşlı İbrahim İslamov və 57 yaşlı Mahirə Məmmədova Şəki Rayon Mərkəzi Xəstəxanasına yerləşdirilib. Yaralılara quduzluq əleyhinə peyvənd vurulub.

Ekologiya və Təbii Sərvətlər Nazirliyində (ETSN) faktla bağlı həvəskar ovçulardan ibarət İşçi Qrup yaradılıb.


Paylaş: