Şəmkir rayonunda yerli sakin naməlum şəraitdə ağır xəsarət alıb.
regionxeberlericom.az Reporta-a istinadən xəbər verir ki, 1981-ci il təvəllüdlü şəxs İntiqam Əliyev qarın nahiyəsindən daxilə nüfuz edən kəsilmiş-deşilmiş yara ilə xəstəxanaya gedib.

O, dərhal həkimlər tərəfindən cərrahiyyə əməliyyatı olunub və reanimasiya şöbəsinə yerləşdirilib.

İ.Əliyev xəsarəti ehtiyatsızlıqdan aldığını, yıxılaraq qarnına dəmir batdığını bildirsə də, məsələ polis tərəfindən araşdırılarkən məlum olub ki, onu şəxsi mübahisə zəminində qardaşı Hafiz Əliyev bıçaqlayıb.

Hadisəni törədən şəxs polis əməkdaşları tərəfindən şübhəli şəxs qismində saxlanılıb.

Faktla bağlı araşdırma aparılır.


Paylaş: