Səbail rayonunda yerləşən mənzilin eyvanından geyim əşyaları oğurlanması barədə polis şöbəsinə məlumat daxil olub.

Daxili İşlər Nazirliyinin (DİN) mətbuat xidmətindən verilən xəbərə görə, Rayon Polis İdarəsinin, 42-ci Polis Bölməsinə şikayət edən şəxs fevralın 11-nə keçən gecə Badamdar qəsəbəsi ərazisindəki mənzilin eyvanındakı zivədən 90 manat dəyərində geyim əşyalarının oğurlandığını bildirib.

Keçirilən əməliyyat tədbirləri nəticəsində oğurluq əməlini törətməkdə şübhəli bilinən Kürdəmir rayon sakini H.Səfərova qısa müddətdə müəyyən edilərək saxlanılıb. Ətrafında aparılan tədbirlərlə onun həmin gün qəsəbə ərazisində daha 3 evin eyvanlarındakı zivədən geyim əşyaları oğurlaması da müəyyən edilib.