Azərbaycanda məktəb direktoruna qarşı cinayət işi başlanılıb.

Baş Prokurorluğun Mətbuat xidmətindən bildirilib ki, Ağstafa rayon Aşağı Kəsəmən kənd tam orta məktəb direktorunun səs yazısının yayılması bağlı araşdırma aparılıb. Direktor Mətanət Məmmədovanın vəzifə səlahiyyətlərindən sui-istifadə edərək məktəbin müəllimlərindən dərs saatlarına görə müxtəlif məbləğlərdə pul almasına dair əsaslı şübhələr müəyyən edilib.

Faktla bağlı Cinayət Məcəlləsinin 308.1-ci (Vəzifə səlahiyyətlərindən sui-istifadə) maddəsi ilə cinayət işi başlanıb. İstintaq davam edir.