Ukraynanın Mariupol şəhərində yaşayan iş adamı Hümbət Həsənov övladlarını sığınacaqdan götürə bilmir. 

Bu barədə informasiya Ukraynadakı mənbələrdən daxil olub. Məlumata görə, hazırda döyüşlərin intensiv getdiyi Mariupolda və ətrafında gərgin vəziyyət yaranıb. Buna görə də yaşlılar və uşaqlar şəhər meri Vadim Boyçenkonun əmri ilə xüsusi sığınacaqlara yerləşdiriliblər.  

Hümbət Həsənov da verilən əmrə əsasən, uşaqlarını şəhərdən bir qədər aralıdakı sığınacağa qoyaraq Mariupola qayıdıb. Amma indi övladlarını götürüb Azərbaycana qayıtmaq istəsə də, buna nail ola bilmir. Çünki ukraynalı hərbçilər ətrafda döyüş getdiyindən o zonaya heç kimi buraxmırlar. 

Xatırladaq ki, Ukrayana sərhədləri bağlı olduğundan bu ölkədə yaşayan azərbaycanlılar Moldovanın quru sərhədini keçərək Azərbaycana qayıda bilərlər.