Göyçay rayonunda bıçaqlanma hadisəsi baş verib. Xəbərə görə bu gün axşam saat 17:00 radələrində rayonun Kürdəmiş kənd sakinləri, Zaur Həsənov və oğlu Zahid Həsənov müxtəlif dərəcəli bədən xəsarətləri ilə Göyçay rayon Mərkəzi Xəstəxanasına yerləşdirilib. Zahid Həsənov polis əməkdaşlarına verdiyi izahatda bıçaqlandığını, onun atası Zaur Həsənov isə yıxılaraq xəsarət aldığını bildirib. Bıçaqlanma hadisəsini törədən şəxsin tapılması üçün hazırda Göyçay rayon Polis Şöbəsinin əməkdaşları tərəfindən axtarış tədbirləri davam etdirilir.