Rusiyanın Penza şəhərində müəssisədə bitum olan çənin partlaması nəticəsində 2 nəfər ölüb, 7 nəfər yaralanıb.

Bu barədə “TASS”a Fövqəladə Hallar Xidmətindəki mənbə bildirib.

“İlkin məlumatlara görə, Penzada müəssisədə bitum olan konteynerdə partlayış baş verib. İki nəfər ölüb, yeddi nəfər yaralanıb və xəstəxanaya yerləşdirilib”, - mənbə deyib.

Bildirilir ki, müəssisədə baş verən hadisə ilə bağlı daha əvvəl Fövqəladə Hallar Nazirliyinin regional idarəsi məlumat verib. Onların sözlərinə görə, Antonov küçəsində bitum saxlama çənində nasazlıq olub. İdarədən verilən məlumata görə, hadisə yerində 25 nəfər və altı texnika işləyir.