Ağcabədi rayonunda polis əməkdaşları külli miqdarda marixuana aşkar edib.

regionxeberlericom.az BAKUPOST-a istinadən xəbər verir ki, Ağcabədi rayonunda polis əməkdaşları tərəfindən külli miqdarda narkotik vasitə götürülərək qanunsuz dövriyyədən çıxarılıb. Rayon polis şöbəsinin istintaq bölməsinin rəisi Rüfət Məmmədovun verdiyi məlumata görə, daxil olmuş məlumat əsasında Rayon Polis Şöbəsinin əməkdaşları tərəfindən rayonun Avşar kəndi ərazisində kənd sakini Vahid Baxşəliyev saxlanılıb.

Axtarış tədbirləri nəticəsində Vahid Siyafət oğlu Baxşəliyevin üzərində bir kibrit qutusunda qurudulmuş marixuana aşkar edilib. Əməliyyat tədbirlərinin davamı olaraq Vahid Baxşəliyevin yaşadığı mənzildən 7 kq-a yaxın qurudulmuş marixuana aşkar edilərək götürülüb.

Faktla bağlı cinayət işi başlanılıb, istintaq aparılır.






Paylaş: