Bakıda ölümlə nəticələnən yol qəzası olub.

Hadisə martın 10-u saat 16:45-də paytaxtın Təbriz küçəsində qeydə alınıb. 33 yaşlı Həsənov İlham Habil oğlu idarə etdiyi “MAN” markalı yük avtomobili ilə hərəkətdə olarkən piyada 76 yaşlı Ağalarova Zinyət Mtihət qızını vurub. Piyada ağır xəsarətlərlə Kliniki Tibbi Mərkəzə yerləşdirilib.

Həkimlərin müdaxiləsinə baxmayaraq, onun həyatını xilas etmək mümkün olmayıb.

Faktla bağlı Nərimanov rayon Polis İdarəsinin İstintaq Şöbəsində Cinayət Məcəlləsinin 263.2-ci (Avtomobil, tramvay və ya digər mexaniki nəqliyyat vasitəsini idarə edən şəxs tərəfindən yol hərəkəti və ya nəqliyyat vasitələrinin istismarı qaydalarının pozulması, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb. Araşdırma aparılır.