Biləsuvar Rayon İcra Hakimiyyətinin həbsdə olan keçmiş başçısı Mahir Quliyevin məhkəməsi yekunlaşmaq üzrədir.

Sonuncu prosesdə dövlət ittihamçısı çıxış edərək icra başçısına cəza istəyib. O, çıxışında M.Quliyevin 12 il müddətinə azadlıqdan məhrum edilməsini təklif edib. Proses günün ikinci yarısında davam edəcək.

Qeyd edək ki, M.Quliyev 2020-ci il aprelin 29-da DTX-nin keçirdiyi əməliyyatla saxlanılıb. O, mənimsəmə və isriaf etmə, vəzifə səlahiyyətlərindən sui-istifadə etmə, rüşvət alma və vəzifə saxtakarlığında ittiham olunur.

Sabiq başçının cinayət işinə Lənkəran Ağır Cinayətlər Məhkəməsində baxılır.