Rusiya hələ də Volodimir Zelenskini öldürməyə çalışır.

Bunu Ukrayna Prezident Aparatı rəhbərinin müşaviri Aleksey Arestoviç BBC-yə müsahibəsində bildirib.

Onun sözlərinə görə, ruslar birbaşa Prezident Aparatının yaxınlığında dörd dəfə atəş açıblar. Bundan əlavə, işğalçılar ali hərbi-siyasi rəhbərlikdən kimisə, xüsusən də Aretoviçin özünü “kənarlaşdırmaq” istəyirlər.

Prezident Aparatı rəhbərinin müşaviri onu da bildirib ki, Rusiya Federasiyasına qarşı iqtisadi sanksiyaların ləğvi danışıqlar zamanı Rusiyanı narahat edən əsas mövzulardan biridir.

Aretoviçin sözlərinə görə, ruslar Prezident Aparatını bombalamayacaqlar. Lakin Zelenskini başqa üsulla fiziki cəhətdən məhv etmək cəhdlərindən əl çəkmirlər.