Bakıda intihara cəhd hadisəsi olub.

Hadisə paytaxtın Səbail rayonunda Dağüstü parkda qeydə alınıb.

Gənc qız burada zöünü hündürlükdən ataraq, həyatına son qoymaq istəyib.

Kliniki Tibbi Mərkəzin mətbuat xidmətindən verilən məlumata görə, özünü hündürlükdən atan qız təcili tibbi yardım maşını ilə Mərkəzə gətirilib. 23 yaşlı qız aprelin 11-i saat 11:15-də təcili olaraq KTM-in Reanimasiya şöbəsinə yerləşdirilib. Müayinələri aparılıb. Diaqnozu sağ bazu sümüyünün orta üçdə birinin yerdəyişən, sol bud sümüyünün aşağı üçdə birinin sınığı və bədənin müxtəlif nahiyələrində küt travmanın olması olub. Hazırda huşu aydındır, vəziyyəti isə ağır-stabil olaraq qalır.