Dünən Qusarda 40 yaşlı kişinin 38 yaşlı arvadını öldürüb daha sonra intihar etməsi hadisəsinin detalları məlum olub.

Son aylarda rayonun Bədişqala kəndində yaşayan 1982-ci il təvəllüdlü Marat Yüzbəyovun ailəsində münaqişəli vəziyyət olub. Belə ki, 4 ay əvvəl, yəni dekabrın 11-də Maratın birinci evliliyindən olan və onunla birlikdə yaşayan oğlu – 15 yaşlı Z.Yüzbəyov özünü həyətdə asaraq intihar edib. Bundan sonra onun ikinci həyat yoldaşı, 1984-cü il təvəllüdlü Sənubər Yüzbəyova ilə münasibətləri pisləşib. Marat Yüzbəyov oğlunun ölümündə onun ögey anasını günahlandırıb və ailədə vəziyyət daha da pisləşib. 

Həmçinin oxuyun: Arvadını öldürüb özünü asdı

Ailə münaqişəsi zəminində ötən gün Marat Yüzbəyov Sənubər Yüzbəyovanı evdə bıçaqlayaraq qətlə yetirib, daha sonra isə intihar edərək öz həyatına da son qoyub.

Marat Yüzbəyov kənddə fərdi təsərrüfat sahibi kimi mal-qara saxlamaqla məşğul olub. Onun Sənubər Yüzbəyova ilə evliliyindən 2 azyaşlı övladı qalıb.

Faktla bağlı araşdırmalar davam etdirilir.