Yaz aylarında intiharlar çoxalır, qış aylarında isə azalır. Bunu biz demirik, hələ XIX əsrdə aparılmış tədqiqatların nəticəsində qeyd edilir.

İsveçdəki Uppsala Universitetinin psixiatriya professoru Fotis Papadopoulos deyir ki, yaz aylarında intiharların sayı qışa nəzərən 20-60% artıq olur. Doktor Papadopoulos intiharlarla yaz fəsli arasında əlaqəni olduğunu qətiyyətlə bildirir.

Çoxları buna bahar depressiyası da deyir.

Bahar gələndən Bakıda artıq neçənci intihar hadisəsi baş verdi.

Hadisə paytaxtın Yasamal rayonu “Yeni Yasamal” yaşayış massivində qeydə alınıb. Orada yaşayan 30 yaşlı Alimə Cavadova yaşadığı binadan özünü atıb.

Təcili xəstəxanaya yerləşdirilən qadın orada ölüb.

Faktla bağlı Yasamal rayon Prokurorluğunda araşdırma aparılır.