DİN-in Mətbuat Xidmətinin Şəki regional qrupunun baş inspektoru, polis baş leytenantı Mahir Məsimov bildirib ki, Mehman Mollayevin Validə Rəhimova və digər bir neçə nəfərə qarşı etdiyi dələduzluqla bağlı Göyçay Rayon Polis Şöbəsində müvafiq təhqiqat araşdırmaları aparılıb. Zərərçəkənlər polis şöbəsində qəbul edilib, onların şikayətləri dinlənilib,hüquq və vəzifələri izah edilib.

Aparılan ilkin təhqiqat zamanı 2019-cu ildə Validə Rəhimovanın Bakı şəhəri Nərimanov rayonu ərazisində Mehman Mollayevlə görüşdüyü və sonuncunun yalan vədlərlə ondan 2000 manat pul aldığı müəyyən edilib.

Toplanmış materiallar araşdırmanın davam etdirilməsi üçün ərazi aidiyyəti üzrə Nərimanov Rayon Polis İdarəsinə göndərilib.