Azərbaycanda müəllim şagirdi döyüb.

Bu barədə görüntülər sosial şəbəkələrdə yayılıb. Bildirilib ki, hadisə Zəngilan rayon 35 saylı məcburi köçkün məktəbində baş verib. Həmin məktəbin musiqi müəllimi 8-ci sinifdə oxuyan şagirdə zor tətbiq edib.

Təhsil Nazirliyinin mətbuat xidmətinin rəhbəri Cəsarət Valehov məsələ ilə bağlı APA-ya bildirib ki, məsələ nazirliyin diqqətindədir:

"Hazırda hadisə ilə bağlı araşdırma aparılır. Araşdırma bitdikdən sonra ictimaiyyətə ətraflı məlumat veriləcək".