Azərbaycanda Milli Müdafiə Universiteti yaradılıb.

Universitet Prezident İlham Əliyevin tapşırığı ilə aprel ayının 5-də yaradılıb. Lakin bu barədə mətbuata məlumat verilməyib.

Müvafiq qərara əsasən, Azərbaycanda fəaliyyət göstərən bütün hərbi məktəb və liseylər Milli Müdafiə Universitetinin tabeliyinə verilib.

***

Heydər Əliyev adına Ali Hərbi Məktəbin adı dəyişdirilib.

Ali Hərbi Məktəbin adı Heydər Əliyev adına Hərbi İnstitut olaraq müəyyən edilib.

Hərbi təhsil müəssisəsindən məlumatı saytımıza təsdiqləyiblər.

Qeyd edək ki, Heydər Əliyev adına Hərbi İnstitut Azərbaycanda yeni yaradılan Milli Müdafiə Universitetinin tabeliyində fəaliyyət göstərəcək. //modern.az//