Ukrayna Nazirlər Kabineti marixuananın tibbi və elmi məqsədlər üçün istifadəsinə icazə verilməsi barədə qərar qəbul edib. 

Bu barədə Ukrayna Səhiyyə Nazirliyinin rəhbəri Viktor Lyaşko bildirib.

“Nazirlər Kabineti “Cannabis” cinsinə aid bitkilərin tibbi və istehsalat məqsədləri üçün dövriyyəsinin, elmi və elmi-texniki fəaliyyətin tənzimlənməsi və xəstələrin onkoloji xəstəliklərin zəruri müalicəsinə əlçatanlığının genişləndirilməsinə şərait yaradılması haqqında” qanun layihəsini dəstəkləyib” – deyə məlumatda qeyd olunub.