11 iyun tarixində Cəlilabad rayonunda baş verən intihar hadisəsinin təfərrüatı məlum olub.

Yaşadığı evdə özünü asan 20 yaşlı tələbə Tural Hətəmov sevdiyi qıza görə həyatına son qoyub. Məlum olub ki, hadisədən bir müddət əvvəl Tural sevdiyi qızdan ayrılıb və bu ayrılıq onda dərin sarsıntı yaradıb.

Azərbaycan Dövlət Pedaqoji Universitetinin Cəlilabad filialının ikinci kurs tələbəsi olan gəncin mobil telefonu və digər əşyaları maddi sübut kimi götürülüb.

Faktla bağlı Cəlilabad Rayon Prokurorluğunda araşdırmalar davam etdirilir.