Sosial şəbəkələrdə Vətən müharibəsi qazisinin İcra Hakimiyyətinin qarşısında özünü öldürməsi ilə bağlı məlumat yayılıb. 

Məlumata görə, 1986-cı il təvəllüdlü Maşallah Mənəfov rayonun Cavad kəndində özünü asıb. O, çöl sahədə yerləşən pay torpaq ərazilərinin birində həyatına son qoyub.

Baş Prokurorluğun Mətbuat xidmətindən saytımıza bildirilib ki, hazırda faktla bağlı Sabirabad Rayon Prokurorluğunda araşdırma aparılır.

Qeyd edək ki, o, İkinci Qarabağ müharibəsinin iştirakçısı olub.