Nərimanov rayonunda saxta avro əskinasları və İran vətəndaşı ələ keçirilib.

regionxeberlericom.az bildirir ki, bu barədə Oxu.Az-a hüquq-mühafizə orqanlarındakı mənbələr məlumat veriblər.

İlkin olaraq, Atatürk prospektində, 37 saylı binanın qarşısında 1983-cü il təvəllüdlü Paşayev Zaur Firidun oğlu saxlanılıb. Onun üzərindən 4 min saxta avro (500 avroluq 8 əskinas) tapılaraq götürülüb.

Təhqiqat zamanı müəyyən edilib ki, Z.Paşayev saxta banknotları İran vətəndaşı Məhəmməd Əli Xaforuzadədən alıb. 2012-ci ildən Bakıda yaşayan iranlı sahibkarlıqla məşğul olur. Əcnəbi də polis əməkdaşları tərəfindən saxlanılıb.

Ələ keçirilmiş saxta avrolar yüksək keyfiyyətli olmaları ilə seçilir, bununla əlaqədar onların Azərbaycan ərazisində hazırlanmadığı ehtimal edilib.

Saxta avronun İran ərazisində istehsal olunması istisna edilmir. Faktla bağlı cinayət işi qaldırılıb.


Paylaş: