İranda molla rejiminə qarşı etiraz aksiyaları davam edir.

Regionxeberlericom.az “Mouze“ teleqram kanalına istinadən məlumatına görə, bu dəfə Təbrizdə azərbaycanlı jurnalist təzyiqlərlə qarşılaşıb.

O, etiraz aksiyalarını işıqlandırdığı üçün saxlanılıb və fəaliyyətinə qadağa qoyulub.

Təbrizdə yaşayan media fəalı və jurnalist Aydın Təbrizinin fəaliyyətinin molla rejimi tərəfindən qadağan edildiyi deyilir.

Sosial media fəlları son günlər Aydın Təbrizinin ETTELAAT İdarəsinə çağrılaraq dindirildiyini və sosial şəbəkələrdə fəaliyyətini dayandırması üçün təzyiq göstərildiyini bildirirlər.

Qeyd edək ki, media fəalı bundan öncə də fəaliyyətlərinə görə basqılarla və həbsə məruz qalıb.