Bakıda və İmişlidə ölümlə nəticələnən yol qəzaları olub.

Hadisə dekabrın 12-də Binəqədi rayonu S. S. Axundov və A. Kunanbayev küçələrinin kəsişməsində qeydə alınıb. Bağırov Ələddin Əzizoğlu idarə etdiyi "JAC" markalı "Pikup" tipli avtomobillə Qarayev Cəbrayıl Abbas oğlunu vurub. Yaralı dərhal Kliniki Tibbi Mərkəzə yerləşdirilib. Lakin dekabrın 19-da həmin xəstəxanada ölüb.

Həmçinin İmişli rayonu Qulubəyli kəndində 39 yaşlı Quliyev Zəka Fəxrəddin oğlu idarə etdiyi "KİA Sorento" markalı avtomobillə Həşimov Kamran İbiş oğlunu vurub. Piyada aldığı xəsarətlərdən yerindəcə keçinib.

Hər iki faktla bağlı araşdırma aparılır.