Bir neçə gün əvvəl Tovuzda balıqçının Kür çayında boğulub ölməsi barədə xəbər vermişdik.

Məlumata görə, çayda boğulduğu deyilən 47 yaşlı Məmmədov Eldəniz Mikayıl oğlunun intihar etdiyi üzə çıxıb. Belə ki, dekabrın 21-i saat 22 radələrində Qaraxanlı kənd sakinləri Eldəniz və Qalib Vəlixanov balıq tutmaq üçün Kür çayının Aşağı Mülkülü kəndindən keçən hissəsinə gediblər. Gecə saatlarında Eldəniz ayrıca rezin qayıqla balıq tutmağa gedib və itkin düşüb.

Həmkəndlisi isə onu səhərədək gözləyib. Eldənizin gəlmədiyini görərək, evə qayıdıb. Ancaq balıqçının hansı şəraitdə və necə intihar etməsi hələlik bəlli deyil.

Faktla bağlı Cinayət Məcəlləsinin müvafiq maddəsilə cinayət işi başlanıb. Araşdırma aparılır. Hazırda Eldəniz Məmmədovun meyitinin tapılması istiqamətində axtarış işləri davam etdirilir.