Rusiyanın Tula şəhərində ölkəyə qeyri-leqal yolla miqrant gətirən azərbaycanlı həbs olunub.

Yerli KİV-in xəbərinə görə, Azərbaycan vətəndaşı Özbəkistandan olan bir nəfərlə əlbir olaraq bu ölkədən Rusiyanın Tula vilayətinə miqrant gətirib. 

Onlar saxta möhürlə onları qeydiyyata götürüb və işləmək üçün razılıq verən saxta sənədlər düzəldirmişlər. Məlumata görə, onların onlarla qurbanı var. 

Xatırladaq ki, yerli qanunvericiliyə görə Azərbaycan vətəndaşını 7 ilədək həbs cəzası gözləyir.