Bakıda telefon almadığı üçün anasını qətlə yetirməkdə təqsirləndirilən gənc hakim qarşısına çıxarılıb.

regionxeberlericom.az Musavat.com-a istinadən xəbər verir ki, Bakı Ağır Cinayətlər Məhkəməsində qətl törətməkdə ittiham edilən 26 yaşlı Eldar Müslümovun cinayət işi üzrə məhkəmə iclası keçirilib.

Hakim İlham Mahmudovun sədrliyi ilə keçirilən məhkəmə iclasında Eldar Müslümov ifadə verib.

O, əməlindən peşman olduğunu, hadisəni törətməsini xatırlamadığını deyib. Onun psixi problemlərinin olduğu məlum olub.

Hadisə bu ilin fevral ayında Bakının Nərimanov rayon ərazisində baş verib. 26 yaşlı E.Müslümov mübahisə zəminində anası, 66 yaşlı Müslümova Nailə Əzim qızını qətlə yetirib.

Məlumata görə, E.Müslümov anasını smartfon telefon üstündə düşən mübahisədən sonra öldürüb. O, arzuladığı mobil telefonu alması üçün anasından pul istəyib, qarşı tərəf isə razı olmayıb. Qəzəblənmiş oğul anasına əl qaldıraraq, onu qətlə yetirib. E.Müslümov epilepsiyadan və psixi pozuntulardan əziyyət çəkir.


Paylaş: