Bakıda taksi sürücüsü müştərisini talan edib, ona qarşı fiziki təzyiq göstərib. regionxeberlericom.az BakuPost-a istinadən xəbər verir ki, bu iddia ilə özünü zərərçəkmiş kimi təqdim edən 1997-ci il təvəllüdlü, Bakı şəhər sakini Əfqan Tariverdi çıxış edib. Onun sözlərinə görə, avqustun 3-də axşam saatlarında Səbail rayonu ərazisində mindiyi taksinin sürücüsü onu boğmağa cəhd göstərib, sonra ölümlə hədələyərək, içərisində 1000 manat dəyərində geyim, mobil telefon və digər əşyalar olan çantasını əlindən alıb.

Bundan sonra Ə.Tanrıverdi 102 Zəng Mərkəzinə müraciət edib.
Bakı Şəhər Baş Polis İdarəsinin Mətbuat Xidmətinin rəhbəri Elşad Hacıyev BakuPost-a açıqlamasında belə bir müraciətin daxil olduğunu, lakin iddiaların təsdiqini tapmadığını bildirib: "Səbail RPİ 9-cü Polis Bölməsinə daxil olan müraciət üzrə aparılan əməliyyat-axtarış tədbirləri ilə vətəndaşın talana məruz qalaması məlumatı tam və hərtərəfli yoxlanılıb. Vətəndaşın hərəkət marşrutu üzrə onun kordinatlarını çıxaran və istifadə etdiyi taksini araşdırmaqla müəyyən edib ki, vətəndaş hər hansı talana məruz qalmayıb, izahatında göstərdiyi əşyalar taksidə unudulub.

Polis vətəndaşın unutduğu əşyaların sahibinə qaytarılmasını təmin etməklə, cinayət kimi qeydə alınan əməlinin gerçək mahiyyətini üzə çıxarıb. Məlum olub ki, vətəndaş həmin gün içkinin təsiri altında olduğu üçün unutqanlıq edib”.



Paylaş: