Indoneziyanın Natuna bölgəsində torpaq sürüşməsi baş verib.

Bu haqda ölkənin Fövqəladə Hallar İdarəsi məlumat yayıb.

Bildirilib ki, sürüşmədə ilkin məlumatlara görə 11 nəfər həyatını itirib, onlarla adamdan xəbər yoxdur.

Səlahiyyətlilər sürüşmə zamanı kənddəki evlərin torpaq qalaqlarının altında qaldığını bildiriblər.

Rəsmi şəxslər onlarla polis, hərbçi və könüllünün iştirak etdiyi axtarış-xilasetmə işlərinin kommunikasiya xətlərindəki problemlər və əlverişsiz hava şəraiti səbəbindən çətinliklə də olsa davam etdiyini qeyd edib.