Azərbaycan Respublikasının vətəndaşları Bryansk vilayətində məhkəmə qarşısına çıxıb.

Regionxeberericom.az Rusiya KİV-ə istinadla bildirir ki, onlar markasız siqaretlərin ticarətində təqsirli biliniblər.

Qeyd olunur ki, biri 22, digəri 24 yaşında olan müttəhimlər 2021-ci ildə təxminən 10 aya yaxın Klintsıda saxta tütün saxlayıblar.

Oktyabr ayında hüquq-mühafizə orqanlarının əməkdaşları təxminən 10500 qutu siqaret olan avtomobili saxlayıblar. Ələ keçirilən tütünün dəyəri 1,2 milyon rublu ötüb. Qanun pozucularının fəaliyyəti dayandırılıb.

Onlara 300 min rubl cərimə təyin edilib. Bundan əlavə, təqsirli şəxslərə iki il və bir il səkkiz ay şərti cəza verilib.