Bakının Nəsimi rayonunda yaşayan Ayxan Rəhimli adlı şəxs Hüseynbala Əliyev küçəsində yerləşən marketlərin birində aldığı "Natura" şirəsinin içindən meyvə çürükləri çıxıb.

Unikal.org-a Ayxan Rəhimli adlı şəxs müraciət edərək bildirib ki, marketdən aldığı "Natura" şirəsinin qapağını açdıqdan sonra içmək istəyib:

"Ağzını açıb, stəkana şirəni süzməyə başladım. Gördüm ki, şirənin içindən bulanıq nəsə çıxır. Bundan sonra ögüməyə başladım. Əvvəlcə fikirləşdim ki, şirənin içindən çıxan, yəqin qabın karton qalıqlarıdır. Sonra içini sirkələməyə başladım. Bundan sonra içindən daha da bulanıq nəsə çıxdı".

Ayxan Rəhimli bildirib ki, artıq məsələ ilə bağlı istehsalçı şirkətdən, “Gilan Holdig”dən maraqlanıblar:

"Gilan FMCG groupda içecek kateqoriyasının trade marketinqinin Anar Əsədov adlı əməkdaşı məndən sözügedən şirənin qabını istədi.

Bildirdi ki, əgər sözügedən meyvə qutusu hələdə sizdədirsə onu alıb laboratoriya şəraitində də test etdirmək isteyirik. Açıqlamamızı da ən qısa zamanda sizə də göndərəcəyik".

Vətəndaş vurğulayıb ki, artıq sözügedən meyvə şirəsini aldığı marketə təqdim edib: "Onlar da şirə qabını Gilanın əməkdaşlarına təqdim edəcəklər".

Qeyd edək ki, "Natura" sokları Gilan Qəbələ Konserv Zavodunda hazırlanır. Şirkətin sözügedən şirə ilə bağlı açıqlamasında bildirilir ki, alma şirəsi yetişmiş yaşıl və qırmızı turşməzə almalardan çəkilmişdir. Bu şirə yüksək pektin tərkibi ilə həzmi yaxşılaşdırır, radionuklidləri orqanizmdən uzaqlaşdırır. Təbii alma şirəsi aşağı kalorilidir, tərkibindəki dəmir qan azlığının dərmanı olmaqla, böyrəklərin daşlardan təmizlənməsində möcüzəli təsirə malikdir. Gündə yarım stəkan alma şirəsi nəfəs orqanlarının funksiyasını yaxşılaşdırır.






Paylaş: