Bakıda dəniz limanında silahlı saxlanılıb.

Su Nəqliyyatında Polis İdarəsinin Bakı Beynəlxalq Dəniz Ticarəti Limanında Xətt Polis Bölməsinin əməkdaşları aprelin 12-i saat 05:10-da təxirəsalınmaz əməliyyat-axtarış tədbirləri keçiriblər. Nəticədə 27 yaşlı Əzizəliyev Orxan İnqlab oğlu Qaradağ rayonu, Sar qəsəbəsində yerləşən Qaradağ Limanında saxlanılıb.

Onun üzərindən 1 ədəd "Kalaşnikov" avtomatı, 60 ədəd 7,62x39 mm kalibrli döyüş sursatı və atəş üçün yararlı olan ştat patronlar, 2 ədəd daraq və 9,547 qram psixotrop maddə metamfetamin aşkar edilərək götürülüb.

Faktla bağlı cinayət işi başlanıb, araşdırma aparılır.