Dünən Türkiyənin İzmir şəhərində lüks yaşayış komplekslərinin birində yanğın baş verib. 

Bütün binanı əhatə edən yanğın nəticəsində həyatını itirən olmayıb. 7 nəfərin xəsarət aldığı, ancaq vəziyyətlərinin yaxşı olduğu bildirilir. 

Digər tərəfdən məlum olub ki, həmin binada türkiyəli tanınmış müğənni İbrahim Tatlısəsin də mənzili var və onun evi də yanğında kül olub.  Məlumata görə, Tatlısəs ölümdən dönüb. Belə ki, o bir gün əvvəl İzmirə gəlmək istəyirmiş. Ancaq təyyarədə yer tapa bilmədiyi üçün səfəri təxirə salınıb. 

Müğənni yanğınla bağlı paylaşım edib: 

“Zərərçəkən bütün qonşularım tez sağalsın. İnşallah can itkisi olmaz. Cana ziyan gəlməkdənsə, mala gəlsin”.