Aprelin 30-da günorta saatlarında güclü küləklə müşayiət olunan dolu Azərbaycan Respublikasının Kəlbəcər, Ağdam, Tərtər rayonlarının müvəqqəti(!) olaraq Rusiyanın nəzarətində qalan hissəsinin (keçmiş Ağdərə-“Mardakert” rayonu) 36-ya yaxın məntəqəsində də fəsadlar törədib.

Regionxeberlericom.az moderator.az-a istinadla xəbər verir ki, bu haqda gecə saatlarında “Hraparak” məlumat yayıb.

“İlkin məlumata görə, dolu nəticəsində tərəvəz əkinlərinə və bağlara ziyan dəyib, 35 ədəd minik avtomobili, 9 ədəd istixana, 5 ədəd günəş enerjisi ilə işləyən su qızdırıcısı, 26 yaşayış evinin dam örtüyü, 1 heyvandarlıq fermasının divarı uçub, 9 baş buzovu sel aparıb”- xəbərdə belə deyilir.

Məlumatdan bəlli olur ki, təbii fəlakətdən ən çox zərər çəkən Kəlbəcər rayonunun Çildıran kəndi olub. Bir saata yaxın yağan dolu haykların becərdiyi bağları hamarlayıb...