Jurnalistlər anonim mənbələrlə söhbətdə “Unabomber” kimi tanınan terrorçu Ted Kaçinskinin intihar etdiyini öyrəniblər.

Bu barədə “The Guardian“ məlumat yayıb.

Vəziyyətlə tanış olan 4 nəfər 81 yaşlı məhbusun həbsxanada intihar etdiyini söyləyir. Onlara Kaçinskinin ölümünü müzakirə etmək səlahiyyəti verilməyib və anonimlik şərti ilə jurnalistlərə danışıblar.

Xərçəng xəstəliyindən əziyyət çəkən 81 yaşlı “Unabomber” Şimali Karolina ştatının Butner şəhərindəki Federal Tibb Mərkəzində huşsuz vəziyyətdə tapılıb. Xilasedicilər ürək-ağciyər reanimasiyası həyata keçirib və xəstəxanaya çatdırıblar, sonra onun öldüyü məlum olub.

Ömürlük azadlıqdan məhrum edilmiş şəxs bir neçə il əvvəl səhhəti pis olduğu üçün Şimali Karolinada tibb müəssisəsinə köçürülüb.