Gəncədə yeniyetmə qaçırdığı avtomobillə qəza törədib.

Məlumata görə, 2009-cu il təvəllüdlü Ə.Muradov (şərti) qonşusunun evinin qarşısında saxladığı “VAZ 2107” markalı avtomobili qaçırıb. O, qaçırdığı avtomobili bir müddət idarə edib, daha sonra şəhərin başqa yerində idarəetməni itirərək əvvəlcə işıq dirəyinə, daha sonra fərdi yaşayış evinin hasarına və darvazasına çırpıb.

Nəticədə yeniyetmə hər iki diz, üz və dodaq nahiyəsinin əziyi xəsarəti alaraq xəstəxanaya yerləşdirilib.

Faktla bağlı araşdırma aparılır.