Rusiyanın Novosibirsk şəhərində istillik elektrik stansiyasında dörd fəhlə yeddi metrlik çənə düşüb.

Bu barədə Fövqəladə Hallar Nazirliyi məlumat yayıb.

Hadisə nəticəsində bir nəfər ölüb, üçü isə yaralanıb.

Siberian Generating Company xəbər agentliyinə bildirib ki, işçilər neft çirkab sularının nasos stansiyasında təmir işləri apararkən çəndə partlayış baş verib.

Rusiya İstintaq Komitəsinin Novosibirsk vilayəti üzrə istintaq idarəsi bəyan edib ki, ilkin məlumata görə, çən təmizlənərkən texniki maye yanıb.

Faktla bağlı cinayət işi başlanıb.