Bu gün Bakı Ağır Cinayətlər Məhkəməsində 14 yaşına çatmayan şəxsə qarşı seksual xarakterli zorakılıq hərəkətlərində ittiham edilən Elimdar Əbiyevin cinayət işi üzrə məhkəmə iclası başa çatıb.

regionxeberlericom.az Oxu.Az-a istinadən xəbər verir ki, hakim Azər Paşayevin sədrliyi ilə keçirilən prosesdə hökm oxunub.

Hökmə əsasən, E.Əbiyev 10 il müddətinə azadlıqdan məhrum edilib.

İttihama görə, hadisə ötən il Binəqədi rayonunda baş verib. E.Əbiyev yetkinlik yaşına çatmayan qonşusu Aytən Əliyevaya (ad-soyad şərtidir) qarşı seksual xarakterli zorakılıq hərəkətləri edib.

A.Əliyevanın valideynlərinin polisə şikayətindən sonra həbs edilən E.Əbiyev barəsində Cinayət Məcəlləsinin 150.3.3-cü (seksual xarakterli zorakılıq hərəkətləri təqsirkar şəxs üçün aşkar surətdə on dörd yaşına çatmayan şəxs barəsində törədildikdə) maddəsi ilə ittiham irəli sürülüb.


Paylaş: