İsmayıllıda 22 yaşlı gənc bədbəxt hadisə nəticəsində dünyasını dəyişib.

“Report”un Yuxarı Şirvan bürosu xəbər verir ki, hadisə İvanovka kəndində qeydə alınıb.

Kənd sakini, 1997-ci il təvəllüdlü Jaben Aleksandr Nikolayeviç yaşadığı evdə elektrik naqilini təmir edərkən ehtiyatsızlıq edib və cərəyan onu vuraraq öldürüb. Onun meyiti müayinə üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin İsmayıllı rayon Şöbəsinə aparılıb.

Faktla bağlı İsmayıllı rayon Prokurorluğunda araşdırma aparılır.


Paylaş: